acf domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/skuggi/old.skuggi.is/wp-includes/functions.php on line 6170forminator domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/skuggi/old.skuggi.is/wp-includes/functions.php on line 6170
Framkvæmdir eru hafnar á glæsilegum fjölbýlishúsum í Svansvottuðu ferli í Hamranesi í Hafnarfirði. Í húsunum eru 140 íbúðir, allt frá stúdíóíbúðum til fjögurra herbergja íbúða. Íbúðirnar eru bjartar og nútímalegar með hagnýtu skipulagi. Glæsilegt hverfi í nágrenni við stórkostlega náttúru, Hvaleyrarvatn, Helgafell, Kleifarvatn o.fl. Áætlað er að fyrri hluti verkefnisins verði tilbúið til afhendingar haust 2023 og síðari hluti í byrjun árs 2024.
Áformað er að byggja 60 íbúðir við Baughamar í Hafnarfirði. Íbúðirnar verða af ýmsum stærðum með útsýni yfir Hafnarfjörð og Reykjanesið. Verkefnið er Svansvottað og hönnun tekur mið af gæðum og endingu. Stefnt er að hefja framkvæmdir vorið 2023.
Baughamar er staðsettur í dalverpi umlukið Skarðshlíð til norðurs, Vatnshlíð til austurs og Hamranesi til suðurs.
Einn helsti styrkur hverfisins er nálægð þess við náttúrulega umgjörð, fagurt landslag sem einkennist af aflíðandi gróinni hlíð (Skarðshlíð) til suðurs og austur, hraunbreiðum í svæðinu miðju og svipsterkum klettavegg í suðvesturs.
Efstaleitið í Reykjavík er eitt stærsta íbúðaverkefni sem Skuggi hefur komið að. Alls er um að ræða 360 íbúðir sem byggðar voru á árunum 2017–2021. Ásamt íbúðareiningunum var vinsæll verslunar- og þjónustukjarni á jarðhæð mikilvægur hluti af framkvæmdinni.
Vandaðar byggingar voru reistar í kringum skjólgóðan og sólríkan inngarð sem myndar skemmtilega umgjörð fyrir samfélagið í kjarnanum.
Í Skuggahverfi í Reykjavík reisti Skuggi íbúðarbyggingu við Lindargötu 39. Byggingin er 11 hæða turn með 36 íbúðir. Lögð var áhersla á gæði í öllum verkþáttum. Framkvæmdir við bygginguna fóru fram árin 2014–2015.
Í Skuggahverfi í Reykjavík reisti Skuggi íbúðarbyggingu við Vatnsstíg 20-22. Byggingin er 16 hæða turn með 41 íbúð. Lögð var áhersla á gæði í öllum verkþáttum. Framkvæmdir við bygginguna fóru fram árin 2014–2016.
Á Lindargötu 28 í miðbæ Reykjavík reisti Skuggi fjölbýlishús með 25 íbúðir. Um var að ræða byggingu smáíbúða í miðbæ Reykjavíkur en verkefnið var í samræmi við stefnu Reykjavíkur um að fjölga smáíbúðum og þétta byggð. Framkvæmdir fóru fram á árunum 2014–2015.
Fjögur fullbúin og einstaklega fallega hönnuð einbýlishús við Búhamar, nærri golfvellinum í Vestmannaeyjum, með einstöku útsýni yfir vesturhluta eyjanna.
Enduruppbygging á Gamla Pósthúsinu við Vestmannabraut í Vestmannaeyjum. Um er að ræða 17 fullbúnar íbúðir í þessu sögufræga húsi.
Endurbygging á einkar glæsilegu húsi í hjarta bæjarins við Vestmannaeyjahöfn. Útsýnið yfir bryggjuna er stórfenglegt. Framkvæmdir stóðu yfir 2020-21
Skuggi tók við Vatnsstíg 16–18 þegar byggingin var fokheld og fullkláraði bygginguna. Íbúðarhúsnæðið er 42 glæsilegar íbúðir á 18 hæðum í Skuggahverfinu í Reykjavík.
Framkvæmdir fóru fram á árunum 2012–2013.
Skuggi kom að uppbyggingu fjölbýlishúsana við Mánatún 3-5. Um ræðir eftirsótt 55 íbúða hús á 6-9 hæðum auk 2ja hæða bílageymslu. Íbúðirnar eru bjartar, opnar og rúmgóðar. Framkvæmdir fóru fram á árunum 2011-2013.
Uppgerð heildareignar við Laugaveg. Húsið skiptist í verslunarrými á jarðhæð og fimm íbúðir á annarri og þriðju hæð. Endurgerð á húsinu var unnin á þeim forsendum að færa húsið sem næst upprunalegri mynd þess. Úr varð einkar fallegt bárujárnshús áberandi svölum yfir Laugavegi. Framkvæmdir fóru fram á árunum 2011–2012.
Bygging á 4000 fm atvinnuhúsnæði með skrifstofum og lagerhúsnæði fyrir Námsgagnastofnun og Orf líftækni. Húsið er rúmgott og sérsniðið að fjölbreyttri starfseminni sem þar fer fram.